Jârlanc wil diu linde von winde sich velwen
diu sich vor dem walde ze balde kan selwen
trûren ûf der heide mit leide man üebet
sus hât mir diu minne die sinne betrüebet.
Mich hânt sende wunden gebunden ze sorgen
diu muoz ich von schulden nu dulden verborgen
diu mit spilnden ougen vil tougen mich sêret
diu hât mîn leit niuwe mit riuwe gemêret.
Gnâde frouwe reine du meine mich armen!
lâ dich mînen smerzen von herzen erbarmen!
mîn gemüete enbind geswinde von leide!
ûz der minne fiure dîn stiure mich scheide!